ashk āñkhoñ meñ bhare baiThe ho
kitne buzdil ho Dare baiThe ho
tum ko mar kar bhī kahāñ marnā thā
zindagī meñ hī mare baiThe ho
kufr betāb hai bai.at ke liye
aur tum ho ki pare baiThe ho
ma.arke yuuñ kahīñ sar hote haiñ
haath par haath dhare baiThe ho
jo the khoTe vo sabhī chal nikle
aur tum ho ke khare baiThe ho
aa gayā kaun tumheñ yaad 'aḳhlāq'
is qadar ġham se bhare baiThe ho