Waqas Aziz

hai iKHtilaf zaruri tumhein pata nahin hai

Waqas Aziz

Lahore, Punjab, Pakistan

1988

hai iḳhtilāf zarūrī tumheñ patā nahīñ hai

charāġh kaise jalegā jahāñ havā nahīñ hai

tumhāre haath chhuḌāne se ruk gayā hai safar

ye dhuup chhāñv musāfir mas.ala nahīñ hai

tumhāre jaane se be-lutf ho ga.ī har shai

ki zahar khā ke bhī dekhā hai zā.iqa nahīñ hai

maiñ DhūñD laayā huuñ jab us ke jaisā duujā shaḳhs

so ab vo kahne lagā mujh tīsrā nahīñ hai

zamāñ makāñ meñ kahīñ hogā DhūñD lūñgā use

mujhe bas itnā batā do ki vo ḳhudā nahīñ hai

Top Urdushayar.com