chāho to mirā dukh mirā āzār na samjho
lekin mire ḳhvāboñ ko gunahgār na samjho
āsāñ nahīñ insāf kī zanjīr hilānā
duniyā ko jahāñgīr kā darbār na samjho
āñgan ke sukūñ kī koī qīmat nahīñ hotī
kahte ho jise ghar use bāzār na samjho
ujḌe hue tāqoñ pe jamī gard kī tah meñ
rū-posh haiñ kis qism ke asrār na samjho
ehsās ke sau zaḳhm bachā sakte ho 'aḳhtar'
iz.hār-e-muravvat ko agar pyaar na samjho