kis ko dekhā hai ye huā kyā hai
dil dhaḌaktā hai mājrā kyā hai
ik mohabbat thī miT chukī yā rab
terī duniyā meñ ab dharā kyā hai
dil meñ letā hai chuTkiyāñ koī
haa.e is dard kī davā kyā hai
hūreñ nekoñ meñ baT chukī hoñgī
bāġh-e-rizvāñ meñ ab rakhā kyā hai
us ke ahd-e-shabāb meñ jiinā
jiine vaalo tumheñ huā kyā hai
ab davā kaisī hai duā kā vaqt
tere bīmār meñ rahā kyā hai
yaad aatā hai lucknow 'aḳhtar'
ḳhuld ho aa.eñ to burā kyā hai