lāġhar haiñ jism rañg haiñ kaale paḌe hue
bāloñ pe gard paañv meñ chhāle paḌe hue
is ma.arke meñ ishq bechārā karegā kyā
ḳhud husn ko haiñ jaan ke laale paḌe hue
ye jo bhī ho bahār nahīñ hai janāb-e-man
kis vahm meñ haiñ dekhne vaale paḌe hue
is dahr kī kushāda-darī par na jā.iye
andar qadam qadam pe haiñ taale paḌe hue
shīshe ke ik gilās meñ nargis ke phuul haiñ
ik mez par haiñ chand risāle paḌe hue