chalo sabīl kareñ us ko jā manāne se
ḳhushī ko giit mayassar nahīñ zamāne se
sukūt aisā samar-bār to kabhī na huā
gul-e-malāl jhaḌā ab ke shāḳhsāne se
tumhārā qurb hathelī pe ret jaisā hai
havā ke saath bikhartā hai ik bahāne se
ham apne bas meñ jabīnoñ ke bal nahīñ jaate
hameñ charāġh bulāte haiñ āstāne se
vo dil ke saath ulajhtī huī kamān-e-talab
vo ek tiir uchaTtā huā nishāne se
hamāre zaḳhm tamāshā nahīñ haiñ hairat haiñ
so is liye bhī chhupāte haiñ ik zamāne se