hasrat ke daaġh dast-e-talab se nahīñ dhule
bhārī the ḳhvāb aañkh se puure nahīñ tule
chakkar bañdhā thā paañv meñ qismat ke pher kā
gard-e-safar ke band abhī tak nahīñ dhule
ashkoñ ke zā.iqe meñ namak rah gayā hai kam
rañj-o-malāl Thiik tarah se nahīñ ghule
so.e raheñ haiñ mahal-e-tamannā hazār saal
shahzādiyoñ ke baḳht jabhī to nahīñ khule
rūheñ badan kā saath nibhāne meñ thak rahīñ
ya.anī ki hast-o-būd barābar nahīñ rule