vo jo rūTheñ yuuñ manānā chāhiye
zindagī se ruuTh jaanā chāhiye
himmat-e-qātil baḌhānā chāhiye
zer-e-ḳhanjar muskurānā chāhiye
zindagī hai naam johd o jañg kā
maut kyā hai bhuul jaanā chāhiye
hai inhīñ dhokoñ se dil kī zindagī
jo hasīñ dhokā ho khānā chāhiye
lazzateñ haiñ dushman-e-auj-e-kamāl
kulfatoñ se jī lagānā chāhiye
un se milne ko to kyā kahiye 'jigar'
ḳhud se milne ko zamānā chāhiye