zard pattoñ kā ġhubār uḌtā huā
ḳhema-e-gul meñ sharār uḌtā huā
bah chukī gadrā.e jismoñ kī sharāb
lams-e-avval kā ḳhumār uḌtā huā
sab ne dekhā aur sab ḳhāmosh the
ek suufī kā mazār uḌtā huā
lag chukī hai sabz dariyāoñ meñ aag
bhaap ban kar ābshār uḌtā huā
mutma.in dīvār par hai chhipkalī
ḳhud hī aa.egā shikār uḌtā huā
us ne aa kar haath māthe par rakhā
aur mintoñ meñ buḳhār uḌtā huā