buuTā buuTā muñh kholegā patta patta bolegā
jab dhartī ko chhoḌ pakherū āsmān par Dolegā
us din barkhā sharmā.egī bādal kī chādar oḌhe
āñkhoñ se bahtā aañsū jab bhed diloñ ke kholegā
mushkil meñ katrā jaate haiñ apne bhī kahte haiñ log
chāhne vaalā bhiiḌ meñ jag kī saath kisī ke ho legā
kar kar ke ye yaad divāna un kī mohabbat un ke karam
tanhā.ī meñ rātoñ kī jab vaqt milā to ro legā
kal-yug kī pāvan gañgā meñ Dupkī khā khā kar har roz
jīvan kī mailī chādar se pāpoñ ko vo dho legā