nam haiñ palkeñ tirī ai mauj-e-havā raat ke saath
kyā tujhe bhī koī yaad aatā hai barsāt ke saath
rūThne aur manāne kī hadeñ milne lagīñ
chashm-poshī ke salīqe the shikāyāt ke saath
tujh ko kho kar bhī rahūñ ḳhalvat-e-jāñ meñ terī
jiit paa.ī hai mohabbat ne ajab maat ke saath
niiñd laatā huā phir aañkh ko dukh detā huā
tajrabe donoñ haiñ vābasta tire haat ke saath
kabhī tanhā.ī se mahrūm na rakkhā mujh ko
dost hamdard rahe kitne mirī zaat ke saath