bichhḌā hai jo ik baar to milte nahīñ dekhā
is zaḳhm ko ham ne kabhī silte nahīñ dekhā
ik baar jise chaaT ga.ī dhuup kī ḳhvāhish
phir shāḳh pe us phuul ko khilte nahīñ dekhā
yak-laḳht girā hai to jaḌeñ tak nikal aa.iiñ
jis peḌ ko āñdhī meñ bhī hilte nahīñ dekhā
kāñToñ meñ ghire phuul ko chuum aa.egī lekin
titlī ke paroñ ko kabhī chhilte nahīñ dekhā
kis tarah mirī ruuh harī kar gayā āḳhir
vo zahr jise jism meñ khilte nahīñ dekhā