samundaroñ ke udhar se koī sadā aa.ī
diloñ ke band darīche khule havā aa.ī
sarak ga.e the jo āñchal vo phir sañvāre ga.e
khule hue the jo sar un pe phir ridā aa.ī
utar rahī haiñ ajab ḳhushbueñ rag-o-pai meñ
ye kis ko chhū ke mire shahr meñ sabā aa.ī
use pukārā to hoñToñ pe koī naam na thā
mohabbatoñ ke safar meñ ajab fazā aa.ī
kahīñ rahe vo magar ḳhairiyat ke saath rahe
uThā.e haath to yaad ek hī duā aa.ī