ham baiThe haiñ aas lagā.e
us kī marzī aa.e na aa.e
kaisā ḳhvāb aur niiñd kahāñ kī
muddat ho ga.ī aañkh lagā.e
merā patā na denā us ko
vo jab mujh ko DhūñDne aa.e
us kā barf sā charne man meñ
ik anjānī aag lagā.e
jis raste bhī jaa.eñ mohabbat
raah meñ baiThī ghaat lagā.e
kaun bhalā āzmā.e kisī ko
kaun bhalā ab diyā bujhā.e
ḳhushiyāñ pal do pal kī sāthī
ġham hī hamesha saath nibhā.e
ab to aa jā der huī hai
dekh zarā to shaam ke saa.e