mujh se bichhḌe ho to rah jāoge tanhā bhī nahīñ

maiñ tumheñ yaad nahīñ ā.ūñgā aisā bhī nahīñ

maiñ ne dāman bhī bachāyā to gunahgār huā

aur phir yuuñ huā ġharqāb ki ubhrā bhī nahīñ

vo tirā zabt-e-mohabbat ho ki duniyā kā nifāq

sab hī apne haiñ koī dard parāyā bhī nahīñ

qadr-dāñ chāhne vāloñ ke ajab hote haiñ

us ne pahchān liyā aur mujhe dekhā bhī nahīñ

maiñ use bhuul ke zinda bhī nahīñ rah saktā

aur mirā ahd mujhe pūchhne vaalā bhī nahīñ