be-jumbish-e-abrū to nahīñ kaam chalegā
aa kar mire qisse meñ tirā naam chalegā
Thahrā hai mire zehn meñ jo qāfila-e-gul
thoḌā sā to le kar yahāñ ārām chalegā
zuhhād kī maalā nahīñ jo raat ko nikle
rindoñ kā piyāla hai sar-e-shām chalegā
tū raqs kare gird mire aur maiñ gā.ūñ
ye khel bhī ai gardish-e-ayyām chalegā
chhup chhup ke jo aatā hai abhī merī galī meñ
ik roz mire saath sar-e-ām chalegā