qamar kī vo ḳhurshīd tasvīr hai
gale meñ sitāroñ kī zanjīr hai
kahāñ pā-e-jānāñ kahāñ merā sar
ye taal.e ye qismat ye taqdīr hai
ḳhafā aap se aap hote ho kyuuñ
batā do jo kuchh merī taqsīr hai
na kholo ḳhat us kā dhaḌaktā hai dil
ḳhudā jaane kyā is meñ tahrīr hai
numāyāñ hai qaus-e-quzah abr meñ
misī par likhauTe kī tahrīr hai
munāsib hai kuchh khā ke mar jaao 'barq'
yahī dard-e-furqat kī tadbīr hai