to phir vo ishq ye naqd-o-nazar barā.e-faroḳht
suḳhan barā.e-hunar hai hunar barā.e-faroḳht
ayaañ kiyā hai tirā raaz fī-sabīlillāh
ḳhabar na thī ki hai ye bhī ḳhabar barā.e-faroḳht
maiñ qāfile se bichhaḌ kar bhalā kahāñ jā.ūñ
sajā.e baiThā huuñ zād-e-safar barā.e-faroḳht
parinde laḌ hī paḌe jā.edād par āḳhir
shajar pe likkhā huā hai shajar barā.e-faroḳht
maiñ pahle kuufa gayā is ke ba.ad misr gayā
idhar barā.e-shahādat udhar barā.e-faroḳht
zarā ye dūsrā misra.a durust farmā.eñ
mire makān pe likkhā hai ghar barā.e-faroḳht