chāñd sā chehra kuchh itnā bebāk huā
ek hī pal meñ shab kā dāman chaak huā
ghar ke andar sīdhe sachche log mile
beTā pardesī ho kar chālāk huā
darvāzoñ kī rāteñ chaukīdār huiiñ
aur ujālā jismoñ kī poshāk huā
jo aayā ik daaġh lagā kar chalā gayā
us ne chhuā to merā dāman paak huā
mausam ne āvāz lagā.ī ḳhushbū ko
titlī kā dil phūloñ kī imlāk huā
mere jism se vaqt ne kapḌe noch liye
manzar manzar ḳhud merī poshāk huā