nahīñ mo'taqid jo tire diid kā

maiñ dīvāna huuñ us kī fahmīd kā

ta.alluq kisī se nahīñ ġhair-e-haq

ye aalam huā apnī tajrīd kā

ḳhayāl-e-do-ālam huā dil se duur

yahāñ vaqr kiyā jām-e-jamshed kā

ham-āġhosh vo mujh se ho yā na ho

divānā huuñ maiñ diid vā diid kā

yahāñ nā-murādī hai ain-e-murād

na ho bārvar naḳhl ummīd kā

ye kūche meñ laila ke majnūñ na ho

iram meñ hai goyā shajar bed kā

tirā sher 'joshish' tujhe hai pasand

tū muhtāj hai kis kī tā.īd kā