ab pasar aa.e haiñ rishtoñ pe kuhase kitne
ab jo ġhurbat meñ hai naanī to navāse kitne
choT khaa.e hue lamhoñ kā sitam hai ki use
ruuh ke chehre pe dikhte haiñ muhāñse kitne
sach ke qasbe pe miyāñ jhuuT kī sardārī hai
ab aTakte haiñ laboñ par hī ḳhulāse kitne
the bahut ḳhaas jo sar taan ke chalte the yahāñ
ab isī shahr meñ vāqif haiñ anā se kitne
ab bhī andar mire dil hai jo dhaḌaktā hai miyāñ
varna bāzār meñ bikte haiñ dilāse kitne
moslā-dhār barastī mirī āñkheñ sab chup
us kī āñkhoñ meñ namī hai to haiñ pyāse kitne