kaThin tanhā.iyoñ se kaun khelā maiñ akelā
bharā ab bhī mire gaañv kā mela maiñ akelā
bichhaḌ kar tujh se maiñ shab bhar na soyā kaun royā
ba-juz mere ye dukh bhī kis ne jhelā maiñ akelā
ye be-āvāz banjar ban ke baasī ye udāsī
ye dahshat kā safar jañgal ye bela maiñ akelā
maiñ dekhūñ kab talak manzar suhāne sab purāne
vahī duniyā vahī dil kā jhamelā maiñ akelā
vo jis ke ḳhauf se sahrā sidhāre log saare
guzarne ko hai tūfāñ kā vo relā maiñ akelā