kyuuñ kar na aise jiine se yā rab malūl huuñ

jab is tarah adam kā bhī maiñ nā-qubūl huuñ

kyā ḳhuub mere baḳht kī manDve chaḌhī hai bel

nā baaġh na bahār na kāñTā nā phuul huuñ

is ishq meñ hī kaT ga.ī sab umr par hunūz

nā llā.iq-e-firāq nā bāb-e-vasūl huuñ

taal.e kī mere dekhiye phūlī hai kyā bahār

anvā ḳhaar ḳhaar se maiñ juuñ babūl huuñ

'āgāh' ab kisī kī shikāyat maiñ kyā karūñ

dekhā jo ḳhuub aap hī apnā maiñ muul huuñ