na maiñ vo rahā kyā se kyā ho gayā
kyā mile tum mujhe maiñ ḳhudā ho gayā
vaqt kaaTe na kaTtā thā kal tak mirā
dil hai masrūf jab se fidā ho gayā
ik tirā naam hī bas mujhe yaad hai
āj-kal ye mirā falsafa ho gayā
har kisī kī zabāñ pe hai charche mire
maano aḳhbār maiñ aaj kā ho gayā
us ke dar pe shab-o-roz jā baiThnā
kaam ham se yahī ik baḌā ho gayā
nā mile aise shā.ir zamāne hue
ek 'ġhālib' thā maiñ dūsrā ho gayā