adū-e-ḳhīra-sarāb ho gayā baḌā ḳhurrāñT
yahī hai dil meñ ki deñ aaj us ko ham ik DaañT
safā-e-qalb hī se zeb-e-jāma-zebī hai
kahāñ se chust qabā aa ga.ī qabā meñ saañT
mile ho sub.h-dam ai yaar koī dam dam lo
tumhāre jaane meñ kyā dam mirā lagā.egā aañT
sipāh-e-qalb-shikan ban ga.iiñ saf-e-mizhgāñ
tum aise safdar-e-ġhāzī ho kaañT meñ hai chhāñT
tumhārā 'sāqī'-e-shaidā hai be-navā saa.il
zakāt-e-husn kā hissa faqīr ko do baañT