koī umiid kā taarā kahāñ se miltā hai
ye muflisī ko sahārā kahāñ se miltā hai
savāl ye nahīñ ḳhanjar hai kin ke hāthoñ meñ
savāl hai ki ishāra kahāñ se miltā hai
koī jo Duub ke dekhe to jaan pā.egā
hameñ pata hai kināra kahāñ se miltā hai
batā ai zindagī har-dam tujhe mirī ḳhātir
faqat ġhamoñ kā piTārā kahāñ se miltā hai
savāl ham se karo tum tabhī to jānoge
javāb koī karārā kahāñ se miltā hai