vahī maqbūl leader aur diplomat hotā hai
jo muñh se this kahe to us kā matlab that hotā hai
avāmunnās ko aise dabochā hai girānī ne
ki jaise cat ke panje meñ koī rat hotā hai
farāġhat hī nahīñ miltī baḌe-sāhib ko mēting se
vo mēting jis kā ajanda faqat chup-chat hotā hai
cricketer ba.az is andāz se chhakā lagāte haiñ
zamīn par geñd hotī hai fazā meñ baT hotā hai
yaqīnan ho gayā hai modern apnā gharānā bhī
jahāñ par cap hotī thī vahāñ ab hat hotā hai
yahī dekhā hai 'shāhid' tīsrī duniyā ke mulkoñ meñ
ki akasr qaum patlī aur leader fat hotā hai