kuchh log rabt-e-ḳhās se aage nikal ga.e

mātaht apne boss se aage nikal ga.e

vo tiis saal se hai vahī biis saal kī

ham ḳhair se pachās se aage nikal ga.e

kuchh mah-jabīñ libās ke fashion kī dauḌ meñ

pābandī-e-libās se aage nikal ga.e

Daaka paḌā to luT ke huā hai ye fā.eda

ham ḳhauf aur hirās se aage nikal ga.e

apne hī teacheroñ kī jo rakh liiñ tuitioneñ

bachche mire class se aage nikal ga.e

lailā ke saath kaar bhī aa.e jahez meñ

majnūñ ye kah ke saas se aage nikal ga.e