Josh Malsiani

maut ki zad ka KHatar har fard ko har ghar mein hai

Josh Malsiani

Malsiyan, Punjab, India

1884-1976

maut zad ḳhatar har fard ko har ghar meñ hai

ye baḌā ik aib ai duniyā tirī chausar meñ hai

manzil-e-maqsūd par pahuñche to pahuñche kis tarah

DhūñDne vaalā umīd-o-bīm ke chakkar meñ hai

shaiḳh se kuchh zid nahīñ hai barhaman se kad nahīñ

dair o ka.aba donoñ jauhar mire sāġhar meñ hai

fikr-e-imroz o ġham-e-fardā sarāsar be-mahal

agar ghar meñ hai to sab kuchh hamāre ghar meñ hai

dam-ba-ḳhud fitne haiñ un shoḳhi-e-raftār se

ek sannāTe aalam arsa-e-mahshar meñ hai

merī rūdād-e-vahshat sun ke fariyādī haiñ sab

chaak mere jigar dāman-e-mahshar meñ hai

naqsh-e-ulfat miT gayā to dāġh-e-ulfat haiñ bahut

shukr kar ai dil ki tere ghar daulat ghar meñ hai

is se kyā matlab ki hai kis kis ke dil meñ shauq-e-qatl

dekhnā ye hai ki dam kitnā tire ḳhanjar meñ hai

silsila āvārgī fahm se bāhar hai 'josh'

maiñ bhī chakkar meñ huuñ merī aql bhī chakkar meñ hai

Top Urdushayar.com