khotā hī nahīñ hai havas-e-mat.am-o-malbas
ye nafs-e-havasnāk o bad-āmoz-o-muhavvas
be-shubah tirī zaat ḳhudāvand-e-ḳhalā.iq
a.alā hai ta.ālā hai mua.allā hai muqaddas
vo kaam tū kar jis se tirī gor ho gulzār
kyā ḳhāna-e-dīvār ko kartā hai muqarnas
madfan ke ta.iiñ aage hī mun.im na binā rakh
kyā jāniye vaañ dafn ho yā khā.egā kargas
hai vasl tirā jannat-o-dozaḳh hī judā hai
jaane hai kab is baab ke ta.iiñ har kas-o-nā-kas
tasvīr tire panja-e-sīmīñ kī talā se
dīvān meñ hai mere likhī jaa.e muḳhammas
kahne ko mire dil ke sun ai gulshan-e-ḳhūbī
gar hai to tire ko hai ye firdaus ye murdas
sun sun ke tirā shor vo bezār huā aur
naale kā asar tere dilā dekh liyā bas
is jubba-o-ammāma se rindoñ meñ na aao
rusvā na karo shaiḳh-jī ye shakl-e-muqaddas
mānind-e-kamāñ ḳham na karūñ qad ko tama.a se
gardish meñ rakhe go mujhe ye charḳh-e-muqavvas
har raat hai āshiq ko tire roz-e-qayāmat
har roz judā.ī meñ use ho hai hunaddas
'tābāñ' ye ġhazal ahl-e-shu.ūroñ ke liye hai
ahmaq na koī samjhe to jaane mirā dhandas