use yaqīn na aayā mirī kahānī par
vo naqsh DhūñD rahā thā guzarte paanī par
safīne thak ke tah-e-āb ho ga.e saare
hunar khilā na havāoñ kā bādbānī par
maiñ saḳht-jān thā aisā ki chīḳh bhī na sakā
fuġhāñ fuġhāñ thī jahāñ marg-e-nā-gahānī par
maiñ āsmāñ ko samajhtā rahā harīf apnā
gayā na dhyān kabhī us kī be-karānī par
'mujībī' chup sī ye kyuuñ lag ga.ī zamāne ko
kahāñ ga.e vo jo nāzāñ the ḳhush-bayānī par