nairañg-e-jahāñ rañg-e-tamāshā hai to kyā hai

har ek qadam aag kā dariyā hai to kyā hai

ham dil ke musāhib haiñ har ik baat pe raazī

ik moḌ ġhalat raah meñ aayā hai to kyā hai

sau rañg ke dariyāoñ kā paanī hai nazar meñ

ab bādiya-paimā.ī-e-sahrā hai to kyā hai

ik dhund hai manzar se ziyāda pas-e-manzar

ik vahm par dil vālā-o-shaidā hai to kyā hai

jī leñ ki na jī paa.e ye hasrat to na hogī

qismat meñ fanā harf-e-navishta hai to kyā hai