be-vafā nā-mehrbāñ ye sach hai vo aisā to thā
mat kaho kuchh us ko yaaro jo bhī thā merā to thā
bhiiḌ itnī hai nagar meñ kis jagah DhūñDūñ use
ek chehra kuchh dinoñ pahle kahīñ dekhā to thā
raat aa.ī aur aa ke mujh ko tanhā kar ga.ī
kam se kam din thā to mere saath ik saaya to thā
ab to ik muddat huī koī sadā aatī nahīñ
jin dinoñ TuuTā thā dil ik shor sā uTThā to thā
ham 'hasan' ko jānte haiñ aadmī achchhā na thā
do-ghaḌī ko paas aa ke dil ko bahlātā to thā