kaT na paa.e ye fāsle bhī agar
aur us par ye rābte bhī agar
jo tumhārī taraf nahīñ khulte
band nikle vo rāste bhī agar
ḳhair ho terī be-niyāzī kī
ab nahīñ ḳhud-parast the bhī agar
kyā kareñge sivā.e ḳhvāhish ke
mohlat-e-yak-nafs mile bhī agar
umr bhar ke ziyāñ kā mol nahīñ
chand lamhe churā liye bhī agar
ḳhūñ-bahā kaun degā jazboñ kā
ba.ad marne ke jī uThe bhī agar
kaun samjhegā isti.āroñ ko
kuchh na boleñge hāshiye bhī agar