us taraf se koī tūfān havā le ke chalī
aur idhar maiñ bhī hathelī pe diyā le ke chalī
mujh ko ye dar-ba-darī tū ne hī baḳhshī hai magar
jab chalī ghar se to maiñ naam tirā le ke chalī
hādse raah meñ the aur safar zālim thā
chand ma.asūm laboñ se maiñ duā le ke chalī
maal agar le ke sabhī aa.e tirī mahfil meñ
mire āñchal meñ vafā thī maiñ vafā le ke chalī
sab jahāñ haath pasāre hue aa.e 'nik.hat'
aise bāzār meñ maiñ apnī anā le ke chalī