Ram Krishn Muztar

phir bhig chalin aankhen chalne lagi purwai

Ram Krishn Muztar

Bulandshahar, Uttar pradesh, India

1927

phir bhiig chalīñ āñkheñ chalne lagī purvā.ī

har zaḳhm huā taaza har choT ubhar aa.ī

phir yaad koī aayā phir ashk umaD aa.e

phir ishq ne siine meñ ik aag bhaḌkā.ī

barbād-e-mohabbat aalam ajab dekhā

sau baar lahū royā sau baar hañsī aa.ī

rahtā hai ḳhayāloñ meñ phirtā hai nigāhoñ meñ

ik shāhid-e-rañgīñ vo ālam-e-ra.anā.ī

kis rañg se gulshan meñ vo jān-e-bahār aayā

āñchal havā aa.ī zulfoñ ghaTā chhā.ī

phir sehn-e-gulistāñ meñ ik mauj huī raqsāñ

phir merī nigāhoñ meñ zanjīr lahrā.ī

ai husn tire dar azmat hai nigāhoñ meñ

kab ishq ko aate the ādāb-e-jabīñ-sā.ī

kyā kyā dil-e-muztar ke armān machalte haiñ

tasvīr-e-qayāmat hai zālim tirī añgḌā.ī

ik rūh-e-tarannum ne ik jān-e-taġhazzul ne

phir aaj na.ī dhun meñ 'muztar' ġhazal gaa.ī

Top Urdushayar.com