Ajay Sahaab

bikhra hun jab main KHud yahan koi mujhe girae kyun

Ajay Sahaab

Raigarh, Chhattisgarh, India

1969

bikhrā huuñ jab maiñ ḳhud yahāñ koī mujhe girā.e kyuuñ

pahle se raakh raakh huuñ phir bhī koī bujhā.e kyuuñ

iisā na vo nabī koī adnā aadmī koī

phir bhī salīb-e-dard ko sar pe koī uThā.eñ kyuuñ

saare jo ġham-gusār the kab ke raqīb ban chuke

aise meñ dostoñ koī apnā ye ġham sunā.e kyuuñ

yaktā vo zāt-e-akbarī dil ye haqīro asġharī

itnī vasī.a shai bhalā dil meñ mire samā.e kyuuñ

paltā hamāre ḳhuuñ se hai ishq magar adū se hai

apnā nahīñ jo bevafā ham ko yuuñ āzmā.e kyuuñ

sub.h vaqt aa.e to ḳhud bujhegā ye charāġh

is ko sahar se peshtar koī magar bujhā.e kyuuñ

jis par girī hai barq bhī jis pe havā hai nazar

shāḳhoñ meñ aisī ai 'sahāb' ghar bhī koī banā.e kyuuñ

Top Urdushayar.com