Meer Taqi Meer

jo tu hi sanam humse be-zar hoga

Meer Taqi Meer

Agra, Uttar pradesh, India

1722-1810

jo sanam ham se be-zār hogā

to jiinā hameñ apnā dushvār hogā

ġham-e-hijr rakkhegā be-tāb dil ko

hameñ kuḌhte kuḌhte kuchh āzār hogā

jo ifrāt-e-ulfat hai aisā to āshiq

koī din meñ barsoñ bīmār hogā

uchaTtī mulāqāt kab tak rahegī

kabhū to tah-e-dil se bhī yaar hogā

tujhe dekh kar lag gayā dil na jaanā

ki us sañg-dil se hameñ pyaar hogā

lagā karne hijrān saḳhtī se saḳhtī

ḳhudā jaane kyā āḳhir-e-kār hogā

yahī hogā kyā hogā 'mīr' na hoñge

jo hogā be-yār ġham-ḳhvār hogā

Top Urdushayar.com