Meer Taqi Meer

sina hai chaak-e-jigar para hai dil sab KHun hai

Meer Taqi Meer

Agra, Uttar pradesh, India

1722-1810

siina hai chāk-e-jigar paara hai dil sab ḳhuuñ hai

tis pe ye jān-ba-lab āmada bhī mahzūñ hai

us se āñkhoñ ko milā meñ rahe kyūñkar taab

chashm-e-e.ajāz-e-mizha sahar-e-nigah-e-afsūñ hai

aah ye rasm-e-vafā hove bar-uftād kahīñ

is sitam par bhī mirā dil usī mamnūñ hai

kabhū is dasht se uThtā hai jo ek abr tanik

gard-e-namnāk pareshāñ shuda-e-majnūñ hai

kyūñke be-bāda lab-e-jū pe chaman meñ rahiye

aks-e-gul aab meñ taklīf-e-mai-e-gul-gūñ hai

paar bhī ho na kaleje ke to phir kyā bulbul

misra-nāla jigar-kāvī hai go mauzūñ hai

shahr kitnā jo koī un meñ sarishk-e-afshāñ ho

rū-kash-e-giryā-e-ġham hausla-e-hamūñ hai

ḳhuun har yak raqam shauq se Tapke thā vale

vo na samjhā ki mire naame kyā mazmūñ hai

'mīr' baat pe har vaqt ye jhunjhlāyā na kar

saḌī hai ḳhabtī hai vo shefta hai majnūñ hai

Top Urdushayar.com