Meer Taqi Meer

kya kahen apni uski shab ki baat

Meer Taqi Meer

Agra, Uttar pradesh, India

1722-1810

kyā kaheñ apnī us shab baat

kahiye hove jo kuchh bhī Dhab baat

ab to chup lag ga.ī hai hairat se

phir khulegī zabān jab baat

nukta-dānān-e-rafta na kaho

baat vo hai jo hove ab baat

kis rū-e-suḳhan nahīñ hai udhar

hai nazar meñ hamārī sab baat

zulm hai qahr hai qayāmat hai

ġhusse meñ us ke zer-e-lab baat

kahte haiñ aage thā butoñ meñ rahm

hai ḳhudā jāniye ye kab baat

go ki ātish-zabāñ the aage 'mīr'

ab kahiye ga.ī vo tab baat

Top Urdushayar.com