Meer Taqi Meer

gul ko mahbub ham-qayas kiya

Meer Taqi Meer

Agra, Uttar pradesh, India

1722-1810

gul ko mahbūb ham-qayās kiyā

farq niklā bahut jo paas kiyā

dil ne ham ko misāl-e-ā.īna

ek aalam rū-shanās kiyā

kuchh nahīñ sūjhtā hameñ us bin

shauq ne ham ko be-havās kiyā

ishq meñ ham hue na dīvāne

qais aabrū paas kiyā

daur se charḳh ke nikal na sake

zo.af ne ham ko mūrtās kiyā

sub.h tak sham.a sar ko dhuntī rahī

kyā patiñge ne iltimās kiyā

tujh se kyā kyā tavaqqo.eñ thiiñ hameñ

so tire zulm ne nirās kiyā

aise vahshī kahāñ haiñ ai ḳhūbāñ

'mīr' ko tum abas udaas kiyā

Top Urdushayar.com