Hidayatullah Khan Shamsi

phir andheri rah mein koi diya mil jaega

Hidayatullah Khan Shamsi

Siddharth Nagar, Uttar pradesh, India

1970

phir añdherī raah meñ koī diyā mil jā.egā

tum akele ghar se niklo qāfila mil jā.egā

tañg-zarfī ḳhushk kar Dālegī dariyā dekh le

ham ko kyā koī samundar dūsrā mil jā.egā

kar rahā huuñ maiñ ta.āqub gardish-e-ayyām

ik na ik din zindagī terā patā mil jā.egā

āñdhiyo aa jaao khul kar maiñ charāġh-e-tūr huuñ

mujh se Takrāne tum ko bhī maza mil jā.egā

tañg mat kar ai zamīñ kar deñ ishāra ik agar

āsmānoñ se bhī ham ko aasrā mil jā.egā

sañg-e-furqat maar kar mat jaao mujh ko chhoḌ kar

dil shīsha toḌne se yaar kyā mil jā.egā

sāhiloñ par rahne vaalo ik zarā āvāz do

ġharq hotī kashtiyoñ ko hausla mil jā.egā

Top Urdushayar.com