Wahshat Raza Ali Kalkatvi

luTa hai mujhe uski har ada ne

Wahshat Raza Ali Kalkatvi

Kolkata, West Bengal, India

1881-1956

luuTā hai mujhe us har adā ne

andāz ne naaz ne hayā ne

donoñ ne kiyā hai mujh ko rusvā

kuchh dard ne aur kuchh davā ne

bejā hai tirī jafā shikva

maarā mujh ko mirī vafā ne

poshīda nahīñ tumhārī chāleñ

kuchh mujh se kahā hai naqsh-e-pā ne

kyuuñ jaur-kashān-e-āsmāñ se

muñh pher liyā tirī jafā ne

dil ko māyūs kar diyā hai

begāna mizāj-āshnā ne

donoñ ne baḌhā.ī raunaq-e-husn

shoḳhī ne kabhī kabhī hayā ne

ḳhush paate haiñ mujh ko dost 'vahshat'

dil ahvāl kaun jaane

Top Urdushayar.com