maiñ havā ko munjamid kar duuñ to kaise saañs luuñ
ret par gir jā.ūñ aur phir ukhḌe ukhḌe saañs luuñ
kab talak roke rakkhūñ maiñ pāniyoñ kī tah meñ saañs
kyuuñ na ik din satah-e-dariyā se nikal ke saañs luuñ
qila-e-koh-sār par maiñ rakh to duuñ zarrīñ charāġh
lekin itnī shart hai ki us ke badle saañs luuñ
ḳhvāb ke matrūk gumbad se nikal kar ek din
apnī āñkheñ khol duuñ aur lambe lambe saañs luuñ