ajab ik sāya-e-lāhūt meñ tahlīl hogī
fusūn-e-hashr se hai.at mirī tabdīl hogī
kiye jā.eñge mere jism meñ nuurī izāfe
kisī raushan sitāre par mirī takmīl hogī
diyā jā.egā ġhusl-e-avvalīñ mere badan ko
tilismī-bāġh hogā us ke andar jhiil hogī
kabhī pahuñchegā hiss-e-sāme.a tak harf-e-ḳhufta
kabhī āvāz-e-nā-mālūm kī tarsīl hogī
kabhī uqde khuleñge is asātīrī zamīñ ke
kabhī is dāstān-e-kuhna kī tāvīl hogī