saañs lenā bhī baar hotā hai
jab tirā intizār hotā hai
aatā hai jab bahār kā mausam
jab junūñ ustuvār hotā hai
zikr kyā dāman-o-garebāñ kā
pairahan taar taar hotā hai
aap rone se man.a karte haiñ
rone par iḳhtiyār hotā hai
hai haqīqat yahī ki har chehra
dil kā ā.īna-dār hotā hai
ai mire dil sukūñ sukūñ hai magar
intishār intishār hotā hai
raas aatī nahīñ ḳhushī us ko
jis ko ġham nāgavār hotā hai
sun ke 'ājiz' vo sar-guzasht mirī
jaane kyuuñ ashk-bār hotā hai