kī nazar maiñ ne jab ehsās ke ā.īne meñ
apnā dil paayā dhaḌaktā huā har siine meñ
muddateñ guzrīñ mulāqāt huī thī tum se
phir koī aur na aayā nazar ā.īne meñ
apne kāñdhoñ pe liye phirtā huuñ apnī hī salīb
ḳhud mirī maut kā mātam hai mire jiine meñ
apne andāz se andāza lagāyā sab ne
mujh ko yāroñ ne ġhalat kar liyā taḳhmīne meñ
apnī jānib nahīñ ab lauTnā mumkin merā
Dhal gayā huuñ maiñ sarāpā tire ā.īne meñ
ek lamhe ko hī aa jaa.e mayassar 'kaifī'
vo nazar jo mujhe dekhe mire ā.īne meñ