ham sakūñ pā.eñge salmāoñ meñ kyā
ḳhushbuoñ kā qaht hai gaañv meñ kyā
kam nahīñ gahre sundar se jo dil
vo bhalā Dūbegā dariyāoñ meñ kyā
har taraf raushan haiñ yādoñ ke kalas
ghir ga.e haiñ ham kalīsāoñ meñ kyā
jin kī āñkhoñ meñ hai nīndoñ kā ġhubār
raushnī pā.eñge sahrāoñ meñ kyā
raat din qarnoñ se huuñ garm-e-safar
ek chakkar hai mire paañv meñ kyā
dhuup to badnām hai yūñhī 'razā'
phuul murjhāte nahīñ chhāñv meñ kyā