jin ke gunāh merī nazar se nihāñ nahīñ
rahte haiñ mujh se dil meñ ḳhafā kis qadar vo log
manzil jinheñ aziiz na rah-rav jinheñ aziiz
kahlāte haiñ hamāre yahāñ rāhbar vo log
anjām-e-kārvāñ thā isī baat se ayaañ
manzil thī jin kī aur bane ham-safar vo log
apnā samajh sakeñ na jinheñ ġhair kah sakeñ
milte haiñ har qadam pe sar-e-rah-guzar vo log
terā kalām sun ke jo ḳhāmosh haiñ 'nazīr'
un kā gila na kah ki haiñ ahl-e-nazar vo log