zindagī terī talab thī to zamāne dekhe
marte marte ka.ī jiine ke bahāne dekhe
hausla thā yā karam ho ki vafādārī ho
ham ne ulfat meñ ka.ī ḳhvāb suhāne dekhe
aañkh se jaarī rahā ashkoñ kā bahnā kyūñkar
ġham ne Thukrāyā to phir zaḳhm purāne dekhe
zaḳhm par zaḳhm lagāne kī na aadat thī use
mere qātil ne na.e roz nishāne dekhe
aap kā jurm nahīñ ham hī ḳhatā kar baiThe
dil ne bas chāhā tumheñ ġham ne Thikāne dekhe
ham pe ulfat kī huī aisī atā.eñ 'bāliġh'
jis taraf DhūñD liye ġham ke ḳhazāne dekhe